Erasmusk IQAT Лойиҳасининг семинари Прага шахрида бўлиб ўтди

  • nashr 24/10/2018 - 14:56
  • 139 views

Тошкент кимё-технология институти иштирокида Европа хамда Қозоғистон ва Ўзбекистоннинг бир қатор олий таълим муассасалари билан ҳамкорликда бажарилиб келинаётган «IQAT: Совершенствование потенциала в целях реализации институциональных систем обеспечения качества и типологии с использованием основ Болонского процесса»
лойиҳаси доирасида семинар-учрашув2016 йилнинг 15-19 феврал кунлари  Чехия Республикасининг Прага табиий фанлар университетида бўлиб ўтди. Ушбу семинарда Тошкент кимё-технология инcnитутидан 4 нафар профессор-ўқитувчилар иштирок этиб, олий таълим тизимидаги ютуқлар ҳамда ҳамкорлик асосида ҳал этилиши кутилаётган муаммолар юзасидан фикр алмашдилар.

Семинарда грантсақловчи университет Чехия табиий фанлар университети, Олий таълим ўқув маркази (Чехия), Аликанте университети (Испания), Латвия университети, Нитрадаги Концантин Философер университети (Словакия), Сейфуллин Қозоғистон агротехника университети, Халқаро таълим корпорацияси, Қарағанда давлат техника университети (Қозоғистон) хамда Ўзбекистондан Самарқанд қишлоқ хўжалиги институти, Андижон давлат университети вакиллари хам қатнашдилар.

Бўлиб ўтган семинар давомида лойиҳанинг умумий тафсилотлари, бажарилиши кўзда тутилган мақсад ва устувор вазифалар, барча ҳамкорларнинг лойиҳада тутган ўрни, лойиҳа ижрочиларидан талаб этиладиган малака ва кўникмалар, лойиҳанинг молиялаштириш харажатлари каби масалаларни ўз ичига олган холда имзоланиши режалаштирилган Хамкорлик келишувининг лойиҳаси мухокама қилинди хамда таклиф ва тавсиялардан сўнг умумий келишувга эришилди.

Бундан ташқари семинар мобайнида  IQAT лойиҳасида кўзда тутилган вазифалардан келиб чиққан холда Ўзбекистон ва Қозоғистон Республикаларида, жумладан Европа мамлакатларида йўлга қўйилган Олий таълим тизими, таълим сифатини назорат қилиш механизми хақида фикрлар алмашилди. Келгусида, Болоня жараёнлари тамойилларидан фойдаланган холда ушбу механизмни янада такомиллаштириш юзасидан таклифлар ишлаб чиқиш вазифалари белгилаб олинди.

Манбаа: www.tkti.uz